ਚੰਦਰਮਾ ਤੋਂ ਬਾਅਦ ਹੁਣ ਸੂਰਜ ਦੀ ਵਾਰੀ, ISRO ਨੇ ਲਾਂਚ ਕੀਤਾ ਦੇਸ਼ ਦਾ ਪਹਿਲਾ ਸੂਰਜੀ ਮਿਸ਼ਨ ਆਦਿੱਤਿਆ-L1

ਭਾਰਤ ਦੇ ਪਹਿਲੇ ਸੂਰਜ ਮਿਸ਼ਨ ‘ਆਦਿਤਿਆ-ਐਲ1’ ਨੂੰ ਸ੍ਰੀਹਰੀਕੋਟਾ ਸਥਿਤ ਪੁਲਾੜ ਕੇਂਦਰ ਤੋਂ ਲਾਂਚ ਕਰ ਦਿੱਤਾ ਗਿਆ ਹੈ। ਸਤੀਸ਼ ਧਵਨ ਸਪੇਸ ਸੈਂਟਰ (SDSC) ਸ਼ਾਰ ਸ਼੍ਰੀਹਰਿਕੋਟਾ ਵਿਖੇ ISRO ਦੇ ਸੂਰਜ ਮਿਸ਼ਨ ਆਦਿਤਿਆ ਐਲ-1 ਦੀ ਲਾਂਚਿੰਗ ਨੂੰ ਦੇਖਣ ਲਈ ਵੱਡੀ ਗਿਣਤੀ ਵਿੱਚ ਲੋਕ ਮੌਜੂਦ ਰਹੇ। ਆਦਿਤਿਆ L1 ਨੂੰ ਸੂਰਜ ਦੇ ਨੇੜੇ ਪਹੁੰਚਣ ‘ਚ ਲਗਭਗ 4 ਮਹੀਨੇ ਲੱਗਣਗੇ। ਆਦਿਤਿਆ L1 ਧਰਤੀ ਤੋਂ ਕਰੀਬ 15 ਲੱਖ ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗਾ। ਇਸਰੋ ਨੇ ਕਿਹਾ ਕਿ ਆਦਿਤਿਆ-ਐਲ1 ਨੂੰ ਸੂਰਜ ਦੀ ਦਿਸ਼ਾ ਵਿੱਚ ਧਰਤੀ ਤੋਂ 1.5 ਮਿਲੀਅਨ ਕਿਲੋਮੀਟਰ ਦੀ ਦੂਰੀ ‘ਤੇ ਲੈਗ੍ਰੇਂਜਿਅਨ ਪੁਆਇੰਟ 1 (L1) ਦੇ ਆਲੇ-ਦੁਆਲੇ ਇੱਕ ਹਾਲੋ ਆਰਬਿਟ ਵਿੱਚ ਰੱਖਿਆ ਜਾਵੇਗਾ। ਸੈਟੇਲਾਈਟ ਅਤੇ ਪੇਲੋਡ ਸੂਰਜ ਦੇ ਦੁਆਲੇ ਉਸੇ ਸਾਪੇਖਿਕ ਸਥਿਤੀ ਵਿੱਚ ਘੁੰਮਣਗੇ ਅਤੇ ਬਿਨਾਂ ਕਿਸੇ ਗ੍ਰਹਿਣ ਦੇ ਸੂਰਜ ਨੂੰ ਨਿਰੰਤਰ ਵੇਖਣਗੇ। ਇਹ ਨਾਲ ਅਸਲ ਸਮੇਂ ਵਿੱਚ ਸੂਰਜੀ ਗਤੀਵਿਧੀਆਂ ਅਤੇ ਪੁਲਾੜ ਮੌਸਮ ‘ਤੇ ਉਨ੍ਹਾਂ ਦੇ ਪ੍ਰਭਾਵ ਦਾ ਨਿਰੀਖਣ ਕਰਨ ਵਿੱਚ ਮਦਦ ਮਿਲੇਗੀ।

ਦਸ ਦਈਏ ਕਿ ਸੂਰਜ ਬਹੁਤ ਗਰਮ ਗ੍ਰਹਿ ਹੈ, ਇਸ ਲਈ ਜ਼ਿਆਦਾਤਰ ਲੋਕਾਂ ਦੇ ਦਿਮਾਗ ਵਿੱਚ ਇਹ ਸਵਾਲ ਉੱਠ ਰਿਹਾ ਹੈ ਕਿ ਪੁਲਾੜ ਯਾਨ ਆਦਿਤਿਆ-ਐਲ1 ਸੂਰਜ ਦੇ ਕਿੰਨੇ ਨੇੜੇ ਜਾਵੇਗਾ…? ਆਦਿਤਿਆ-ਐਲ1 ਮਿਸ਼ਨ ਸੂਰਜ ‘ਤੇ “ਲੈਂਡ” ਨਹੀਂ ਕਰੇਗਾ, ਕਿਉਂਕਿ ਬਹੁਤ ਗਰਮ ਗ੍ਰਹਿ ਦੇ ਕਾਰਨ ਇਹ ਅਸੰਭਵ ਹੈ। ਹਾਲਾਂਕਿ, ਇਸਨੂੰ ਸੂਰਜ-ਧਰਤੀ ਪ੍ਰਣਾਲੀ ਦੇ ਚੱਕਰ ਵਿੱਚ ਰੱਖਿਆ ਜਾਵੇਗਾ। ਪੁਲਾੜ ਯਾਨ ਇਲੈਕਟ੍ਰੋਮੈਗਨੈਟਿਕ ਪਾਰਟੀਕਲ ਅਤੇ ਮੈਗਨੈਟਿਕ ਫੀਲਡ ਡਿਟੈਕਟਰਾਂ ਦੀ ਵਰਤੋਂ ਕਰਦੇ ਹੋਏ ਫੋਟੋਸਫੇਅਰ, ਕ੍ਰੋਮੋਸਫੇਅਰ ਅਤੇ ਸੂਰਜ ਦੀਆਂ ਸਭ ਤੋਂ ਬਾਹਰੀ ਪਰਤਾਂ (ਕੋਰੋਨਾ) ਦਾ ਨਿਰੀਖਣ ਕਰਨ ਲਈ ਸੱਤ ਪੇਲੋਡ ਲੈ ਕੇ ਜਾਵੇਗਾ। ‘ਆਦਿਤਿਆ L1’ ਨੂੰ ਸੂਰਜੀ ਕੋਰੋਨਾ ਦੇ ਰਿਮੋਟ ਨਿਰੀਖਣ ਕਰਨ ਅਤੇ ਧਰਤੀ ਤੋਂ ਲਗਭਗ 15 ਲੱਖ ਕਿਲੋਮੀਟਰ ਦੂਰ ‘L1’ (ਸੂਰਜ-ਅਰਥ ਲੈਗ੍ਰੇਂਜਿਅਨ ਪੁਆਇੰਟ) ‘ਤੇ ਸੂਰਜੀ ਹਵਾ ਦੇ ਅਸਲ ਨਿਰੀਖਣ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਸੂਰਜ ਦਾ ਅਧਿਐਨ ਕਰਨ ਲਈ, ‘ਆਦਿਤਿਆ ਐਲ1′ ਨੂੰ ਧਰਤੀ ਤੋਂ 15 ਲੱਖ ਕਿਲੋਮੀਟਰ ਦੂਰ ਲੈਗ੍ਰੇਂਜਿਅਨ-1’ ਪੁਆਇੰਟ ‘ਤੇ ਪਹੁੰਚਣ ਲਈ 125 ਦਿਨ ਲੱਗਣਗੇ।