ISRO ਨੇ ਭਾਰਤ ਦੇ ਤੀਜੇ ਮਨੁੱਖ ਰਹਿਤ ਚੰਦਰਮਾ ਮਿਸ਼ਨ ਚੰਦਰਯਾਨ 3 ਦੁਆਰਾ ਲਈ ਗਈ ਚੰਦਰਮਾ ਦੀ ਪਹਿਲੀ ਤਸਵੀਰ ਜਾਰੀ ਕੀਤੀ ਹੈ। ਚੰਦਰਯਾਨ-3 ਨੇ ਸ਼ਨੀਵਾਰ ਨੂੰ ਚੰਦਰਮਾ ਦੀ ਓਰਬਿਟ ਵਿੱਚ ਦਾਖਲ ਹੋਣ ਤੋਂ ਬਾਅਦ ਇਹ ਤਸਵੀਰਾਂ ਲਈਆਂ ਹਨ। ਮਿਸ਼ਨ ਦੇ ਅਧਿਕਾਰਤ ਟਵਿੱਟਰ ਹੈਂਡਲ ਨੇ ਟਵੀਟ ਕੀਤਾ ਕਿ 5 ਅਗਸਤ, 2023 ਨੂੰ ਚੰਦਰਮਾ ਦੀ ਓਰਬਿਟ ਵਿੱਚ ਦਾਖਲ ਹੋਣ ਦੌਰਾਨ ਚੰਦਰਯਾਨ-3 ਪੁਲਾੜ ਯਾਨ ਦੁਆਰਾ ਦੇਖਿਆ ਗਿਆ ਚੰਦਰਮਾ। ਦਸ ਦਈਏ ਕਿ ਚੰਦਰਮਾ ਮਿਸ਼ਨ ਹੁਣ ਤੱਕ ਨਿਰਵਿਘਨ ਰਿਹਾ ਹੈ ਅਤੇ ISRO ਨੂੰ ਉਮੀਦ ਹੈ ਕਿ ਵਿਕਰਮ ਲੈਂਡਰ ਇਸ ਮਹੀਨੇ ਦੇ ਅੰਤ ਵਿੱਚ 23 ਅਗਸਤ ਨੂੰ ਚੰਦਰਮਾ ਦੀ ਸਤ੍ਹਾ ‘ਤੇ ਨਰਮ ਲੈਂਡਿੰਗ ਕਰੇਗਾ।
ਮਹੱਤਵਪੂਰਨ ਗੱਲ ਇਹ ਹੈ ਕਿ ਭਾਰਤ ਦਾ ਤੀਜਾ ਮਨੁੱਖ ਰਹਿਤ ਚੰਦਰਮਾ ਮਿਸ਼ਨ ‘ਚੰਦਰਯਾਨ-3’ ਸ਼ਨੀਵਾਰ ਨੂੰ ਚੰਦਰਮਾ ਦੀ ਓਰਬਿਟ ‘ਚ ਸਫਲਤਾਪੂਰਵਕ ਦਾਖਲ ਹੋਇਆ। ਚੰਦਰਯਾਨ-3 ਨੂੰ ਚੰਦਰਮਾ ਦੇ ਦੱਖਣੀ ਧਰੁਵ ‘ਤੇ ਉਤਰਨ ਲਈ 22 ਦਿਨ ਪਹਿਲਾਂ ਲਾਂਚ ਕੀਤਾ ਗਿਆ ਸੀ, ਜਿੱਥੇ ਹੁਣ ਤੱਕ ਕੋਈ ਵੀ ਦੇਸ਼ ਨਹੀਂ ਪਹੁੰਚਿਆ ਹੈ।
